भारतीय समाज विकास व संशोधन संस्था

       राष्ट्रपिता महात्मा गांधी यांच्या "खेड्याकडे चला" या संदेशाचे व्यवहारात उतरलेले स्वप्न म्हणजे "भारतीय समाज विकास व संशोधन संस्था" . रचनात्मक कार्यातून ग्रामीण भागामध्ये जागृती निर्माण करायची व परिवर्तन घडवायचे हा संस्थेचा मुख्य उद्देश्य होता. यासाठी अहमदनगर जिल्ह्याच्या एका टोकाला भीमा नदीच्या काठी बसलेल्या खेड गावाची निवड करण्यात आली. या गावात सुरुवातीला ग्रामीण जनतेला भूकमुक्त करण्यासाठी व ग्रामीण विकासासाठी प्रयोग करण्यात आले. त्यानंतर शिक्षण हा परिवर्तनाचा प्रारंभबिंदू मानून विद्यालय चालू करण्यात आले. यातून पुढे विविध संस्थांचा विस्तार झाला.